БАН, 21. 3. 3.  Торжественник и Златоуст недельный. Кон. XV - нач. XVI в.

Месяца октовриа в 29 день, память[i] преподобного и богоносного отца нашего Аврамия, *Богоявленского архимандрита, ростовского чюдотворца*[ii]. Господи, благослови, отче.

Л. 51. Преподобный отець нашь Авраамии бе родителю благочестиву сын. Сеи остави родителя своя и мирьский мятежь, и взем крест Христов *по заповеди святаго Евангелиа, и радостно*[iii] последова Христу. И от младых ногот[iv] Богу себе представи[v], и[vi] бысть мних, и чистоте приятелище быв Святаго Духа. Покорив убо плоть духови, и облада страстьми плотьскыми, и жестъкому[vii] пребыванию, и нужному житию[viii] себе въдав, и трудомь себе истончив. И бысть мнихом началник, и житие ангельское пожив, чюдес[ix]  обогатив благодать исцеляти страсти[x] неисцелныа, и течениемь слъзным душю свою омыв.

Видев же преподобный *в граде Ростове*[xi] (л. 51об.) прелесть идольскую[xii] сущю, *но убо бе вси*[xiii] прияли[xiv] святое крещение, но Чюдскыи конець покланяшеся идолу каменну, омрачени бо суть сердца их омрачением бесовьскым. Бе же в идоле бесу злу живущу, *яко не смеаше никтоже близ его путемь тем ходити*[xv]. *Мечты бо творяше христианом и страшилища злым омрачением своим*[xvi].

Преподобный же Авраамии помолися Богу, глаголя: Господи Боже вышнии, призри с высоты святыа Своеа на раба Твоего, и даждь[xvii] силу и благодать Святаго Духа Твоего[xviii] разорити[xix] злокозненаго[xx] сего идола Велеса[xxi]. И не возможе[xxii], не дадяше бо *окаанныи близ себе приити*[xxiii] злым влъшеством своим. *И недоумеашеся о сем*[xxiv], и бысть скръбя седяше. И виде старца к себе грядуща, благоговейна образомь суща. Преподобный же срете его, и оба поклонистася между[xxv] собою, и взяста друг от друга благословение, и седоста. Нача же блаженный Авраамии к старцю глаголати: Откуду, отче, грядеши, и коея страны[xxvi] еси, святче Божий? Глагола ему старець: Аз есми[xxvii], отче, Царяграда родом, и пришлець есмь на вашеи земли странныи. Рци же ми ты, отче, что ради, скорбя, седиши[xxviii] близ многострастнаго сего идола Велеса? Глагола блаженный Авраамии к старцю: (л. 52) Тщуся и молюся Господу Богу разорити многострастнаго сего идола Велеса, и не возможно ми[xxix], презре бо Господь Бог мой[xxx] моление мое, *и не услыша Бог молитвы моеа*[xxxi], и се, скорбя, седох. Глаголаше же старець к Авраамию: Аще хощеши, отче, желаемое[xxxii] получити, иди к Царюграду и пытаи в граде дому Иоанна[xxxiii] Богослова, и вниди в домь его, и помолися образу его, и не изыдеши[xxxiv] тощь, но все желание свое получиши. Ащели же не идеши в дом Иоанна Богословца, не можеши желаемаго получити. Печалуя же блаженный Авраамий о длъготе путней. *Рече же ему старець*[xxxv]: Господь Бог прекратит ти малым путем[xxxvi].

Блаженный же Авраамий наплънися Духа Святаго[xxxvii], вземь благословение у старца, нача путем тещи *к Царюграду*[xxxviii], и *в забытии ума*[xxxix] прейде Ишню[xl] реку и въстрете[xli] человека възрастна[xlii] и благоговейна[xliii], плешива, възлыса, *браду имуща круглу велику*[xliv], и красна суща зело, *а в руце трость имуща*[xlv]. *Пад убо блаженный Авраамий*[xlvi], поклонися ему. Глагола ему страшный мужь[xlvii]: Где, старче, грядеши? Глагола ему блаженный все поряду, коеа ради вины *грядет к Царюграду*[xlviii] на възыскание дому Иоанна Богослова. Глагола ему страшный мужь: Иди, старче, возми сию мою трость, и възвратися[xlix], (л. 52об.) и приступи к идолу Велесу[l], и избоди его тростию сею[li] во имя Иоанна Богослова, *и будет ти в прах окаанныи. И абие невидим бысть.

И позна блаженныи, *яко той бе сам Иоанн Богослов*[lii]*[liii], страхом и радостию одрьжим, възвратися[liv] вспять, и прииде к идолу без бранениа[lv], и[lvi] избоде его тростию во имя Иоанна Богослова, и абие *идол Велес в прах бысть*[lvii].

*Преподобный же Авраамий вземь благословение у епископа, идеже срете Иоанна Богослова, постави церковь малу во имя Иоанна Богослова, иже суть и до сего дне, а идеже преже идол Велес был, на том месте въдрузи церковь малу же не велику*[lviii] во имя Святое Богоявление Господа нашего Иисуса Христа, и келии постави, и мнихы призва[lix], и[lx] общину сътвори. И множество зла подъят от неверных, овогда же разорити хотяще святыню его[lxi], и овогда[lxii] съжещи хотяще, но Богу не попустившу им молитвами и тръпением преподобнаго. Не по мнозе же времени всех приведе ко Христу богоразумием, и крестишася от мала[lxiii] и до велика, и начаша ходити на словословие Божие и на всенощное, мужи[lxiv] и жены и отроцы. Преподобный же поучаше их почитанием книжным[lxv], и поучением духовным насладяше сердца их, яко медвена сота сладчаиши. Мнози же отроци (л. 53) оставляюще[lxvi] родителя своя, и тай прихождааху к нему. Преподобный же без възбранениа[lxvii] вся приходящаа *к нему*[lxviii] постризаше *во иночьскыи чин*[lxix], яко виноград *при водах садяше*[lxx] древеса, и напааше их водами, поучением божественых словес. И умножи мнихы, и церковь велию създа, и украси ю, яко невесту Христову, чюдными иконами и[lxxi] святыми книгами, и в ней наипаче множаашеся пение святое.

Князи же ростовьстии[lxxii] начаша веру велику имети к монастырю и к отцю своему Авраамию, и к всем мнихом. И имениа многа дааху на строение монастыреви, и села даваху на потребу мнихом.

Видев же преподобный епископ Феодор множащуся монастырю, всеми потребами изъобилну сущу[lxxiii], съвет же сътвори епископ Иларион[lxxiv] с князи *великыми, с*[lxxv] князем Володимером да с князем Борисом, дабы сътворили архимандритию ту обитель, и святивше преподобнаго Авраамиа, и поставиша архимандритом.

И нача[lxxvi] больми подвизатися, и труды к трудомь прилагати, и молитве и посту себе вдав, и образ быв всем, смирение велие[lxxvii] стяжав, и любов нелицемерную[lxxviii], всякому[lxxix] приходящему равно велику[lxxx] и малу.

(л. 53об.) Старыи же ненавестник[lxxxi] добру диявол въоружашеся[lxxxii] на преподобнаго, и пакости ему творяще во дни и в нощи, но никакоже не устраши преподобнаго мечты своими, огражен бо бе Христовою благодатию и крестным знамениемь.

Бысть некогда святому хотящу по обычаю *литоргиа служити*[lxxxiii] в святей церкви, и обычныа молитвы певше святому[lxxxiv] причащению, и хотящу ему умыти руце, и диавол вниде в умывалницю воду[lxxxv], хотя преподобному спону сътворити водою. Разумев же преподобный лукаваго духа[lxxxvi] в сосуде, *и взем*[lxxxvii] честный крест, и положи на връху съсуда, и около съсуда огради крестным знамением, *а руце умы из иного съсуда, и божественую литоргию служил*[lxxxviii], *а того съсуда не врежаше*[lxxxix] на многы дни. *Бесу же жжену бывшу в сосуде силою крестною невидимаго Бога*[xc], а не могыи изыти.

 *Бысть же князем обычай имеюще*[xci] на поле *ездити по вся дни*[xcii], лов деюще[xciii], и пакы възвращаяся в град, въхождааху[xciv] в монастырь покланятися церкви, а[xcv] от святого благословение приимаху. Пакы же по обычаю приидоша князи в келию преподобному[xcvi] благословениа ради. По случаю же в то время преподобный в пеколници мьаше власаници на братию, обычай бо имеяше[xcvii] преподобный (л. 54) по вся дни *тружатися на братию*[xcviii], овогда в поварню дрова секуще, *иногда власяници *мьяше на братию*[xcix]*[c], иногда воду носяще в поварню и в пеколницю.

Слышав же преподобный о князех, *и пойде в келию свою*[ci] благословити их. Еще же *преподобному не дошедшу*[cii] келиа своеа, князи же суть в келии, преподобнаго ждуще, и видеша съсуд крестом накрыт, и недоумеваахуся о сем. Един же от них дръзнув въсхытити крест с сосудя, знаменатися им, и абие *изыде из сосуда дым*[ciii] злосмраден, яко устраши ту всех сущих. И усрет лукавый дух преподобного, в келию идуща[civ], и нача на преподобнаго злыи[cv] словеса износити, глаголюще[cvi]: Калугере[cvii], ты мне сътвори, окаянне, *в убозем твоем съсуде*[cviii] мучитися силою невидимаго Бога, и жжену быти ми силою крестною, тако же аз тебе спону сътворю, и в мале времени одолею ти[cix], и поострю *ков на тя*[cx], и *сътворю ти*[cxi] раны многы[cxii], и укор всем видящим тя, и мукы злыи наведу на тя, и на пезе ослятице всажден[cxiii] будеши без седалища, и в сандалия женьскаа червленаа обувен будеши, и ина[cxiv] *многа зла*[cxv] сътворю ти противу моим злом, яже приях от тебе. Преподобному же оградившуся[cxvi] крестным знамением, и абие *лукавый дух*[cxvii] исчезе. (л. 54об.) *И вниде преподобный в келию свою*[cxviii]. Князем же въпрашающим преподобнаго о бывшемь, яко дым изыде *из сосуда злосмраден*[cxix], оному же ничтоже о том поведавшу, но токмо их благослови[cxx], и поучив их, и отпусти с миром.

Не по мнозе же времени преобразися *бес в образ воина*[cxxi], и прииде к великому князю Володимерю в Володимерь, и нача на преподобного тяжкаа[cxxii] словеса износити: Господи царю, хощу ти тайну велику[cxxiii] поведати, твоему дръжавству достойна. В твоей дръжаве, царю, в граде Ростове, мних некыи Авраам, влъхв[cxxiv] сый, образом творяшеся яко свят, прельщаше же люди, смирен ся творя. Сей налезе влагалище велие в земли, медян съсуд, полн злата, достоин твоему господству, имже бо съсудом златым, и поясом златым, и чепем немощно цене предати, сребру же и инем драгым[cxxv] немощно поведати. Темь бо съкровищем[cxxvi] монастырь създа, и церковь велию постави, а твоему господьству не поведа[cxxvii].

 Князь же великы Володимер разжегся гневомь велиим на преподобнаго, и посла воина люта зело[cxxviii] *и сверепа*[cxxix] по преподобнаго, глаголюще тако: Где обрящеши старца, то не глаголи к нему *ни единого*[cxxx] слова, (л.55) но в чем пакы обрящеши его, тако[cxxxi] постави его пред[cxxxii] мною, по научением[cxxxiii] злаго того облъгавшаго[cxxxiv]  воина, иже суть беса.

В то же время преподобному на келейной молитве стоящу после съборнаго пениа, во единой власянице, и не обувен в сандалиа. И прииде в то время злый и сверепый[cxxxv] воин, не имый милости о преподобнем, не дадяше ни глаголати к себе преподобному, ни ризами облачитися[cxxxvi], ни обувениа[cxxxvii] ногам, тако бо сатана обуя ему сердце. Видя же преподобный вражду вражию, бывшую нань, не убояся, но паче благодаряше Бога о приключившейся[cxxxviii] нань беде. Възем же его воин, посади[cxxxix] его *на свой конь за бедры*[cxl], и женяше к Володимерю. И обрет на ону[cxli] страну езера селянина, ездяща[cxlii] на пезе ослятице, в руце имы[cxliii] сандалиа женьскаа червлены суть, и въсади преподобнаго на ослятице[cxliv], и сандалиа въложи[cxlv] на ногу его. И абие постави его пред державою *великого князя Владимера*[cxlvi] во единой власянице, безчествуема[cxlvii], яже на теле ношааше.

Повеле же *князь Владимер*[cxlviii] и суперника[cxlix] его поставити пред себе. Воин же те[cl] же глаголы злыи износя на преподобнаго о обретении влагалища[cli] велиа, якоже *прежде рехом*[clii]. Преподобный же, въздев руце на небо, (л. 55об.) и запрети духу лукавому, глаголя: Запрещаю ти именемь Господа нашего Иисуса Христа, повеждь ми, кто ты еси, иже таковыми глаголы обольсти мя великому князю Владимеру? Бес же нача трепетати, глаголя: Аз[cliii] есмь бес Зефеус, искони ненавидя добра роду человечьскому, паче же иноком, боящимся Бога. Се же увеждь[cliv], калугере, яже ти сказах, то ти и сътворих о прьвомь твоем неистовьстве, еже мя еси мучил во убозем твоем съсуде. *И се рек, абие исчезе*[clv].

Князь же великыи Владимер, видев прелесть диавольскую[clvi], и преподобнаго стояща поругана, страшно[clvii] очима зрети, и страх обият всех сущих, иже суть с великымь князем Владимером. *Князь же великы Владимер нача*[clviii] молити старца, прося прощениа, о нем же съгреши к старцю, и с слезами глаголаше: Аз, отче, повинен есмь приходу[clix] твоему нужному, и люто оскръбих тя зело. Отдаждь[clx] ми, отче, о нем же тя прогневах, се бо, отче, враг омрачи ми сердце и разъяри мя на тя, и вверже мя в сей грех. Старець же глагола: Господь *да простит*[clxi] тя, самодръжавный царю, сие бо дело стараго врага диаволе[clxii] суть. Понеже, царю, не дивися сему - искони боряся с человекы, паче же боящимся Бога спону творить[clxiii].

Князь же великы Владимер, видев смирение (л. 56) преподобнаго, еже тихыми словесы и смиренными глаголюща ему[clxiv], акы ничтоже зла въсприим[clxv], нача ублажати преподобнаго, и честь велию въздаде ему[clxvi] на създание[clxvii] монастырю, и домы, и села многы подаде к монастырю, и устрои его своим монастырем, и учини его *всех вышьша*[clxviii] обителей, иже суть в Ростове, и многы рабы подаде в дом Святому Богоявлению, и грамоты подаде многы[clxix] жаловалныа, иже суть и до сего дне, и отпусти преподобнаго с великою честию к своему монастырю.

И поживе преподобный в своем *монастыри в велице*[clxx] смирении *и любви*[clxxi], *и труды к трудом прилагаа*[clxxii], и в *велице старости*[clxxiii] ко Господу отъиде, Егоже измлада възлюби.

Како тя похвалю, преподобне, молебными песньми памят[clxxiv] ублажающе, празднуем[clxxv]. Похвальныа венца приносим ти, глаголющи: Радуйся, преподобне Авраамие, приим венець от Вседръжителя Бога. Радуйся, святаа главо, иконом[clxxvi] учителю и правило. Радуйся, отче, имже избывше тмы[clxxvii], и свет познахом. Радуйся, древо честнаго раа[clxxviii], имже възрасти нам леторасли инок множества, от них же ныне иноци насыщаются поучении духовных, и приемлють грехов прощение. Радуйся, делателю веры Христовы. Радуйся, (л. 56об.) разрушивы[clxxix] идола, и взорал еси землю сердца неверных людей святым крещением, и насеял еси святыми книгами, поучением, от них же жнут иноци полезныа рукояти покаянию, друзии же уже ядят неоскудную[clxxx] пищу в Царствии Небеснем, еяже трапезы сподобимся и мы, грешнии, кающеся грехов своих, молитвами преподобнаго. Богу нашему слава[clxxxi]: